الفقاص
المقادير:
نصف كيلو داللوز محمّر بقشورو
طاسة (زلافة)الجنجلان
طاسة الكتان
طاسة دالزبيب
طاسة دالزيت
حبوب الشيا كاس صغير (اختياري)ممكن الإستغناء عليه
حبّة السوداء أولا السانوج معلقة كبيرة
ملعقتان كبار من حبت حلاوى
ملعقتان كبار دالنّافع
طاسة دالسكر أنا كنعدل السكر
البيضات 6
كيلو الدقيق
خميرة دالحلوى1 ماشي مكمولة باش مكيتفرتتشي
الطريقة :
نخلطو السكر مع البيض كنحتفضو بصفار بيضة باش ندهنو فالآخر كنضيفو الزيت و الزريعات وباقي المقادير واللوز كنتركو الدقيق آخر حاجة كنضيفوه بشوية بشوية حتى يتجمع كلشي مزيان مع بعض خرجت أربع كور شكلتوم مستطيلات كيفما الصور ندهنوهو من فوق بصفار بيضة فيه قطيرة دالخل وشوبة د نيسكافي ونزوقوهوم بفرشيطة كنعدلو خطوط كندخلواه نالفران يطيب نص طياب ونخرجواه حتّى يبرد أنا كنخليه نهار كامل أو إلى عدلتوم فالعشية كيباتو حتى نهار الثاني نقطعوم مستحسن يكون الموس ماض ونطيبوم فالفرّان حتّى يتحمرو كيجي رائع جدا وبالصحة والراّحة 😋👌👌 منقولة من صديقة الصفحة شهيوات سحر امستردام👌👌
0 comments
إرسال تعليق